21-12-2024: இன்றைய முக்கிய செய்திகள் சில வரிகளில்

முதல் 2 போட்டிகளில் என்னை அணியில் தேர்வு செய்யாதது நல்லதுதான் - ஜடேஜா

இரவு 10 மணி வரை 6 மாவட்டங்களில் மழைக்கு வாய்ப்பு

தமிழகத்தில் பாஜகவினர் உயிருக்கு ஆபத்து - அண்ணாமலை

விவசாயிகள் மிளகு, உலர் திராட்சைகளை விற்பனை செய்யும்போது எந்தவித ஜி.எஸ்.டி. வரியும் இல்லை - மத்திய மந்திரி நிர்மலா சீதாராமன்

ராஜஸ்தான் மாநிலம் ஜெய்சால்மரில் ஜி.எஸ்.டி. கவுன்சிலின் 55-வது ஆலோசனை கூட்டம் மத்திய நிதி மந்திரி நிர்மலா சீதாராமன் தலைமையில் இன்று நடைபெற்றது. இந்த கவுன்சில் கூட்டத்தில், ஆயுள், மருத்துவ காப்பீடு மீதான வரியை குறைக்கும் முடிவு ஒத்திவைக்கப்பட்டது. ஜனவரி மாதம் நடைபெறும் கூட்டத்தில் இது குறித்து ஆலோசிக்கப்படும் என்று தெரிவிக்கப்பட்டுள்ளது.

உயிருக்கு ஆபத்து விளைவிக்கும் நோய்களில் இருந்து காக்கும் ஜீன் தெரப்பி சிகிச்சைக்கு ஜி.எஸ்.டி. வரியில் இருந்து முற்றிலும் விலக்கு அளிக்கப்படுகிறது. செறிவூட்டப்பட்ட அரிசி கர்னல் மீதான ஜி.எஸ்.டி. வரி 12 சதவீதத்தில் இருந்து 5 சதவீதமாக குறைக்கப்படுகிறது. விவசாயிகள் பச்சை மிளகு, காய்ந்த மிளகு, உலர் திராட்சைகளை விற்பனை செய்யும்போது எந்தவிதமான ஜி.எஸ்.டி. வரியும் இல்லை.

ஆனால் அவற்றை, வியாபாரிகள் வாங்கி விற்பனை செய்யும்போது அவற்றுக்கு வரி உண்டு. அரசு திட்டங்கள் மூலம் இலவசமாக தரப்படும் உணவுகளின் மூலப்பொருட்களுக்கு ஜி.எஸ்.டி. வரி விலக்கு அளிக்கப்படுகிறது.

சிறு நிறுவனங்கள் ஜி.எஸ்.டி. வரி துறையில் பதிவு செய்யும் நடைமுறையை எளிமையாக்க நடவடிக்கை எடுக்கப்படும். வங்கி கடன் பெற்றவர்கள் விதிமுறைகளை பூர்த்தி செய்யாததன் மூலம் விதிக்கப்படும் அபராதத்தின் மீது எந்த ஜி.எஸ்.டி.யும் இல்லை. உணவு டெலிவரி சேவை மீது ஜி.எஸ்.டி. விதிப்பது குறித்து முடிவு எடுக்கப்படவில்லை. இவ்வாறு நிர்மலா சீதாராமன் தெரிவித்துள்ளார்.

அஸ்வினுக்கும் எனக்கும் பிரச்சினையா..? வலைதள விமர்சனங்களுக்கு ஹர்பஜன் விளக்கம்

3வது ஒருநாள் போட்டி; ஜிம்பாப்வே அணியை வீழ்த்தி தொடரை கைப்பற்றிய ஆப்கானிஸ்தான்

ஆப்கானிஸ்தான் கிரிக்கெட் அணி ஜிம்பாப்வேயில் சுற்றுப்பயணம் மேற்கொண்டு 3 டி20, 3 ஒருநாள் மற்றும் 2 டெஸ்ட் போட்டிகள் கொண்ட தொடரில் ஆடி வருகிறது. இதில் முதலில் நடைபெற்ற டி20 தொடரை 2-1 என்ற கணக்கில் ஆப்கானிஸ்தான் கைப்பற்றியது. இதனையடுத்து இவ்விரு அணிகள் இடையிலான ஒருநாள் தொடர் நடைபெற்றது.

இதில் இரு ஆட்டங்கள் முடிந்த நிலையில், 1-0 என ஆப்கானிஸ்தான் தொடரில் முன்னிலை பெற்றது. ஒரு ஆட்டம் மழையால் ரத்தானது. இவ்விரு அணிகள் இடையிலான கடைசி ஒருநாள் போட்டி இன்று நடைபெற்றது. இதில், முதலில் களமிறங்கிய ஜிம்பாப்வே அணி 30.1 ஓவர்களில் 127 ரன்களுக்கு ஆட்டமிழந்தது.

தொடர்ந்து 128 ரன்கள் என்ற இலக்குடன் களமிறங்கிய ஆப்கானிஸ்தான் அணி தொடக்கம் முதல் அதிரடியாக விளையாடியது. இதனால் 26.5 ஓவர்களில் 2 விக்கெட் இழப்பிற்கு 131 ரன்கள் எடுத்து 8 விக்கெட்டுகள் வித்தியாசத்தில் வெற்றி பெற்றது. இந்த வெற்றியால் 3 போட்டிகள் கொண்ட ஒருநாள் தொடரை 2-1 என்ற புள்ளி கணக்கில் ஆப்கானிஸ்தான் கைப்பற்றியது.

ஆண்ட்ரியாவின் பிறந்தநாளையொட்டி 'பிசாசு 2' படத்தின் சிறப்பு போஸ்டர் வெளியீடு

விஜய் ஹசாரே கோப்பை: மும்பை அணியை வீழ்த்தி கர்நாடகா அபார வெற்றி

நெல்லை மாவட்டம் பாளையங்கோட்டையில் மாவட்ட நீதிமன்றம் உள்ளது. இந்த நிலையில், நேற்று காலை கீழநத்தம் பகுதியை சேர்ந்த மாயாண்டி என்பவர் ஒரு வழக்கு விசாரணையில் ஆஜராக வந்துள்ளார். அப்போது நீதிமன்ற வளாகத்தில் நீதிபதி வருகைக்காக காத்திருந்தபோது திடீரென 4 பேர் கொண்ட கும்பல் ஒன்று மாயாண்டியை சுற்றி வளைத்தது. இதனால் அதிர்ச்சி அடைந்த அவர் உயிரை காப்பாற்றிக் கொள்வதற்காக கும்பலிடம் இருந்து தப்பித்து நீதிமன்ற வளாகத்தில் ஓடினார்.

இருப்பினும் அந்த கும்பல் மாயாண்டியை துரத்தி சென்று சரமாரியாக வெட்டியது. இதில் அவர் சம்பவ இடத்திலேயே பலியானார். இந்த கொலை தொடர்பாக வழக்குப்பதிவு செய்து 6 பேர் கைது செய்யப்பட்டனர்.

இந்நிலையில், சென்னை ஐகோர்ட்டு தாமாக முன்வந்து இந்த வழக்கை விசாரணைக்கு எடுத்து கொண்டது. இந்த வழக்கு தொடர்பான விசாரணையில் போலீசார் மீது விசாரணை நடத்தி நடவடிக்கை எடுக்க ஐகோர்ட்டு உத்தரவிட்டுள்ளது. பாதுகாப்பு பணியில் கவன குறைவாக இருந்த போலீசார் மீது விசாரணை நடத்த நெல்லை காவல் ஆணையருக்கு ஐகோர்ட்டு உத்தரவிட்டுள்ளது.