எல்லா பட வாய்ப்புகளுமே கடவுள் எனக்கு கொடுத்த வரம் - மீனாட்சி சவுத்ரி.

தமிழில் விஜய் ஆண்டனியின் ‘கொலை’ படம் மூலம் அறிமுகமான மீனாட்சி சவுத்ரி.

இவர் தற்போது விஜய் ஜோடியாக ‘தி கோட்’ படத்தில் நடித்து வருகிறார். தெலுங்கிலும் பிரபல நடிகையாக இருக்கிறார்.

இந்த நிலையில் மீனாட்சி சவுத்ரி அளித்துள்ள பேட்டியில், ‘‘எனக்கு நிறைய பட வாய்ப்புகள் வருகின்றன. இது மகிழ்ச்சி அளிக்கிறது. விஜய் ஜோடியாக நடித்துள்ள ‘தி கோட்’ படம் பான் இந்தியா படமாக செப்டம்பர் மாதம் திரைக்கு வருகிறது.

எல்லா பட வாய்ப்புகளுமே கடவுள் எனக்கு கொடுத்த வரம். நான் நடிக்கும் எல்லா படங்களுமே பான் இந்தியா படங்கள்.

இதை நினைக்கும்போது ஒரு பக்கம் மகிழ்ச்சியாகவும், இன்னொரு பக்கம் பயமாகவும் இருக்கிறது.

இளம் நடிகர்களுக்கும், சீனியர் நடிகர்களுக்கும் ஜோடியாக நடிக்கும் வாய்ப்பு எனக்கு மட்டும்தான் கிடைத்துள்ளது'' என்றார்.