வங்கக்கடலில் புயல் உருவாவதில் தாமதம்

கனமழை: சதுரகிரி செல்ல பக்தர்களுக்கு தடை

ஸ்ரீவில்லிபுத்தூரில் கனமழை பெய்து வருவதால் சதுரகிரி செல்ல பக்தர்களுக்கு தடை விதித்து வனத்துறை உத்தரவிட்டுள்ளது. நாளை கார்த்திகை மாத பிரதோஷ வழிபாடு நடைபெறும் நிலையில் மழை காரணமாக பக்தர்களுக்கு தடை விதிக்கப்பட்டுள்ளது.

வேதாரண்யம் பகுதியில் 2வது நாளாக மழை

நாகை மாவட்டம் வேதாரண்யம் பகுதியில் 2வது நாளாக மழை பெய்து வருகிறது. தொடர்ந்து பெய்து வரும் மழையால் வேதாரண்யம் வேதாரண்யேஸ்வர் கோவிலில் உள்பகுதி மற்றும் வெளிப்பிரகாரங்களில் மழை நீர் தேங்கி உள்ளது.

காரைக்காலில் கனமழை - பயிர்கள் சேதம்

காரைக்காலில் தொடர் கனமழையால் திருநள்ளார், கோட்டுச்சேரி, நெடுங்காடு உள்ளிட்ட பகுதிகளில் சம்பா, தாளடி பயிர்கள் நீரில் மூழ்கி சேதம் அடைந்துள்ளது. 5 நாட்களுக்கு மேல் பயிர்கள் நீரில் மூழ்கி இருந்தால் பயிர்கள் அழுகிவிடும் என விவசாயிகள் கவலை அடைந்துள்ளனர்.

ராமநாதபுரம் மாவட்டம் மண்டபம் பகுதியில் கடல் சீற்றத்தால் மிதவை கப்பல் சேதம் அடைந்தது. பாம்பன் ரெயில் பாலத்திற்கான கட்டுமான பணிக்கு பயன்படுத்திய மிதவை கப்பல் சேதமடைந்துள்ளது. மண்டபம் பகுதியில் சுமார் 5 அடி உயரத்திற்கு கடல் எழும்புகிறது.

தமிழகத்தை நெருங்கும் புயல் சின்னம்

இந்திய வானிலை ஆய்வு மையம் வெளியிட்டுள்ள முன்னறிவிப்பு:

கடந்த 6 மணி நேரமாக மணிக்கு 10 கி.மீ. வேகத்தில் வடக்கு-வடமேற்கு நோக்கி நகர்ந்த ஆழ்ந்த காற்றழுத்த தாழ்வு மண்டலம், சென்னைக்கு தெற்கு-தென்கிழக்கில் 530 கி.மீ. தொலைவில் மையம்கொண்டுள்ளது.

திருகோணமலைக்கு கிழக்கே சுமார் 110 கி.மீ., நாகப்பட்டினத்திற்கு தென்கிழக்கில் 350 கி.மீ, புதுச்சேரிக்கு தென்கிழக்கே 450 கி.மீ. தொலைவில் உள்ளது.

இது தொடர்ந்து வடக்கு-வடமேற்கு திசையில் நகர்ந்து அடுத்த 6 மணி நேரத்தில் சூறாவளி புயலாக வலுவடைய வாய்ப்பு உள்ளது. அதன்பிறகு, தொடர்ந்து 2 நாட்களுக்கு வடக்கு-வடமேற்கு திசையில் தமிழக கடற்கரை பகுதிகளை நோக்கி நகர்ந்து பின்னர் இலங்கை கடற்கரையை நோக்கி நகரும்.

இவ்வாறு இந்திய வானிலை ஆய்வு மையம் தெரிவித்துள்ளது.

3.7 மீட்டர் வரை கடல் அலை எழும்:.. வானிலை மையம் எச்சரிக்கை

பெங்கல் புயல் காரணமாக கடலூர், காஞ்சிபுரம், காரைக்கால், புதுச்சேரி, நாகப்பட்டினம் வடக்கு, நாகப்பட்டினம் தெற்கு, விழுப்புரம் ஆகிய பகுதிகளில் கடல் அலைகள் 3.1 மீட்டர் முதல் 3.7 மீட்டர் வரை எழக்கூடும் என வானிலை மையம் எச்சரித்துள்ளது. எனவே, பொதுமக்கள் கடற்கரைகளுக்கு செல்வதை தவிர்க்க வேண்டும்.

கனமழை காரணமாக, மயிலாடுதுறையில் பழைய வீடு ஒன்று இடிந்து விழுந்தது. இதுதொடர்பான வீடியோ வெளியாகி உள்ளது.

VIDEO | An old house collapsed in Tamil Nadu's Mayiladuthurai due to heavy rains earlier today.(Full video available on PTI Videos - https://t.co/n147TvrpG7)#TamilNaduRains pic.twitter.com/sYHwEFfO5W

— Press Trust of India (@PTI_News) November 27, 2024

 

மயிலாடுதுறையின் தரங்கம்பாடிக்கு தமிழக பேரிடர் மீட்பு படை வந்து சேர்ந்துள்ளது. பைபர் படகு, கயிறு, மண்வெட்டி உள்ளிட்ட மீட்பு கருவிகளுடன் 30 பேர் கொண்ட மீட்பு குழுவினர் வருகை தந்துள்ளனர். தரங்கம்பாடியில் தொடர்ந்து கனமழை பெய்து வருகிறது. இதனால், வெள்ளத்தில் சிக்கும் மக்கள் மற்றும் கால்நடைகளை மீட்பதற்கான பணிக்காக இந்த மீட்பு குழுவினர் அனுப்பி வைக்கப்படுவார்கள்.