மாமல்லபுரம்-புதுச்சேரி இடையே பெஞ்சல் புயல் கரையைக் கடந்தது

மாமல்லபுரம்-புதுச்சேரி இடையேபுயல் கரை–யைக் கடந்–ததுசூறைக்காற்றுடன் மழை கொட்டியதுமாமல்லபுரம்-புதுச்சேரி இடையே ‘பெஞ்ஜல்’ புயல் நேற்று கரையை கடந்தது. இதனால் சென்னை உள்பட வடமாவட்டங்களிலும், புதுச்சேரியிலும் சூறைக்காற்றுடன் மழை கொட்டியது.

9 கி.மீட்டர் வேகத்தில் நகர்ந்து வரும் புயல் இன்னும் சற்று நேரத்தில் முழுமையாக கரையைக் கடக்கும் என இந்திய வானிலை ஆய்வு மையம் தெரிவித்துள்ளது.

சென்னையில் 172 இடங்களில் மழைநீர் தேக்கம்

சென்னை மாநகராட்சி வெளியிட்ட அறிக்கையில் கூறியுள்ளதாவது: சென்னையில் 553 இடங்களில் மழைநீர் தேங்கியது. இதில் 172 இடங்களில் அகற்றப்பட்டன. 381 இடங்களில் தேங்கி உள்ளது. 99 இடங்களில் விழுந்த மரங்கள் முழுமையாக அகற்றப்பட்டன. சென்னையில் 6 சுரங்கப்பாதைகளில் மழைநீர் தேங்கி உள்ளதால் போக்குவரத்து தடை செய்யப்பட்டு உள்ளது.

பெஞ்சல் புயல் கரையக் கடந்து வரும் நிலையில்,  சென்னையில் மழை குறைந்துள்ளது

பெஞ்சல் புயல் புதுச்சேரிக்கு அருகே 30 கிலோ மீட்டர் தூரத்தில் மையம் கொண்டுள்ளது. இரவு 11.30 மணிக்குள் புயல் முழுவதுமாக கரையைக் கடக்கும் என வானிலை மையம் கணித்துள்ளது.

சென்னை உள்ளிட்ட 7 மாவட்டங்களுக்கு நாளை காலை 8.30 மணி வரை அதி கனமழை எச்சரிக்கை விடுக்கப்பட்டுள்ளது. செங்கல்பட்டு, காஞ்சிபுரம், விழுப்புரம் , திருவள்ளூர், கள்ளக்குறிச்சி, கடலூர் மற்றும் புதுவையில் அதி கனமழை பெய்யும் என வானிலை மையம் தெரிவித்துள்ளது.

பலத்த காற்றுடன் கரையை கடக்கும் புயல்.. பொதுமக்கள் வெளியே வர வேண்டாம் - புதுச்சேரி அரசு அறிவுறுத்தல்

பெஞ்சல் புயல் தற்போது புதுவைக்கு அருகே கரையை கடந்து வருகிறது. இதனால் புதுவை, மரக்காணம், மற்றும் அதனை சுற்றியுள்ள பகுதிகளில் பலத்த காற்றுடன் மழை பெய்து வருகிறது. இந்த நிலையில், புயல் கரையை கடப்பதால் இன்றிரவு முதல் நாளை அதிகாலை வரை பொதுமக்கள் அத்தியாவசிய தேவை இன்றி வெளியே வர வேண்டாம் என புதுச்சேரி அரசு அறிவுறுத்தி உள்ளது.  

பெஞ்சல் புயலை தொடர்ந்து பெய்து வரும் தொடர் மழை எதிரொலியாக, செம்பரம்பாக்கம் ஏரியில் நீர்மட்டம் உயர்ந்து வருகிறது. இதனால், காஞ்சீபுரம் மாவட்ட கலெக்டர் மற்றும் மாவட்ட கண்காணிப்பு அதிகாரி ஆகியோர் ஆய்வு செய்து வருகின்றனர்.

கரையை கடக்கத் தொடங்கியது ’பெஞ்சல்’ புயல்

வங்கக்கடலில் நிலவி வந்த பெங்கல் புயல் தற்போது கரையை கடக்கத் தொடங்கியுள்ளது. புயலின் முன் பகுதி கரையை கடக்கத் தொடங்கியுள்ளது. அடுத்த 3 அல்லது 4 மணி நேரங்களில் புயல் முழுமையாக கரையை கடந்துவிடும் என வானிலை ஆய்வுமையம் தெரிவித்துள்ளது.