இன்றைய முக்கிய செய்திகள் சில வரிகளில்... (13.12.2024)

தாமிரபரணி அற்றில் வெள்ளப்பெருக்கு ஏற்பட்டுள்ளது. ஆற்றில் வெள்ள நீர் கரைபுரண்டு ஓடுவதால் ஆற்றங்கரையோர மக்களுக்கு வெள்ள அபாய எச்சரிக்கை விடுக்கப்பட்டுள்ளது. வெள்ளப்பெருக்கு காரணமாக தாமிரபரணி ஆற்றில் குறுக்குத்துறை முருகன் கோவில் மூழ்கியுள்ளது.

தாமிரபரணி ஆற்றில் 5 ஆயிரம் கன அடிக்கு மேல் தண்ணீர் செல்வதால் குறுக்குத்துறை பகுதியை வெள்ளம் சூழ்ந்துள்ளது. குறுக்குத்துறை பகுதியில் மின் கம்பங்களை வெள்ளம் அடித்து சென்றுள்ளது. குறுக்குத்துறை முருகன் கோவிலுக்கு மக்கள் செல்ல தடை விதித்து தற்காலிக தடுப்புகளை போலீசார் அமைத்துள்ளனர். 

பூண்டி ஏரியில் உபரிநீர் திறப்பு அதிகரிப்பு

• திருவள்ளூர் மாவட்டம் பூண்டி ஏரியில் உபரிநீர் திறப்பு அதிகரிப்பு
• வினாடிக்கு 16 ஆயிரத்து 500 கனஅடி நீர் வெளியேற்றம்
• பூண்டி ஏரிக்கு 15,500 கனஅடி நீர் வந்துகொண்டிருக்கிறது
• 50க்கும் மேற்பட்ட கிராமங்களுக்கு வெள்ள அபாய எச்சரிக்கை

தமிழ்நாட்டின் பல மாவட்டங்களில் நேற்று பலத்த மழை பெய்ததையடுத்து, மழை பாதிப்பு, நிவாரணப் பணிகளை சென்னை எழிலகத்தில் உள்ள மாநில அவசர கட்டுப்பாட்டு மையத்தில் இருந்து முதல் அமைச்சர் மு.க.ஸ்டாலின் ஆய்வு மேற்கொண்டார்.